ԱՄՆ-ում թույլատրել են 3D տպիչով ստեղծված դեղահաբը. tert.am

ԱՄՆ-ի սննդի և դեղորայքի որակի հսկողության վարչությունը (FDA) պատմության մեջ առաջին անգամ հավանության է արժանացրել 3D տպիչի օգնությամբ ստեղծված դեղահաբը, հաղորդում է BBC-ի ռուսական ծառայությունը:

Ավելի վաղ FDA-ն արդեն «կանաչ լույս էր տվել» 3D տպիչի օգնությամբ բժշկության մեջ օգտագործվող տարբեր սարքերի, մասնավորապես՝ պրոթեզների պատրաստմանը:

Spritam նոր դեղն օգնում է վերահսկել էպիլեպտիկ նոպաները:

Դեղահաբերը ստեղծած Aprecia Pharmaceuticals-ը խոստանում է ժամանակակից տեխնոլոգիաների օգնությամբ նաև այլ դեղեր մշակել:

3D-դեղահաբը ներծծվում է մարդու օրգանիզմում, ինչպես այլ դեղերը:

Դեղահաբերի տպագրումը թույլ կտա բարձրացնել դեղաչափի ճշգրտությունը և ստեղծել անհատականացված դեղեր՝ կախված հիվանդի կոնկրետ կարիքներից:

Հարցեր, պատասխաններ, մեկնաբանություններ